Auto Draft

Deur : Skriba  /  June 15th, 2017

Bybelskool 2017 Kleingroepleier inskrywingsvorm (Gr.7-12)Bybelskool 2017 Inskrywingsvorms Gr. RR-Gr.6

JEUG AKTIWITEITE

BYBELSKOOL 3-7 JULIE 2017
Dis weer tyd vir die jaarlikse Bybelskool, ‘n vakansiebediening aan kinders Gr.RR – Gr.6, waar ons as jong mense Jesus se liefde gaan deel deur Bybelverhale, speletjies, kuns, drama en musiek. Hierdie jaar se tema is: “Anders as die wêreld”, en ons gesels oor hoe ons as Jesus se dissipels anders as die wêreld optree a.g.v. ons spesiale mission.
Datum: 3-7 Julie
Koste: R160 pp
Tyd: Vroeë aflaai is vanaf 07:15
Rek, strek en word wakker: 08:00-09:00 (‘n Besig hou tyd terwyl ons vir die res van die maats wag.) Program hardloop vanaf 09:00-13:00
Inskrywingvorms is beskikbaar by Annelet, die kerkkantoor of op die gemeente se webblad.

Om so ‘n week te laat gebeur, het ons ‘n hele paar hande nodig, en dit gaan so lekker wees dat jy nie sal wil uitmis nie.

As jy Gr.7-12 is, kom help gerus as ‘n kleingroepleier. Daar is ‘n aparte inskrywingsvorm wat jy moet invul. Dit is beskikbaar by Annelet, die kerkkantoor of op die gemeente se webblad.

Ons kort ook ‘n hele klomp volwassenes/studente om te help met die aanbieding tydens die week van Bybelskool. Hier onder is ‘n lys van aanbieders wat ons benodig. Kyk, dink en bid gerus daaroor en laat weet Annelet teen 16 Junie of jy iewers sal wil uithelp.
• Kombuis (Voorbereiding van die happie-tyd)
• Munchies aanbieder (Lekkerny wat die kinders self maak soos cupcake versier ens.)
• Cinema aanbieder (Al wat jy hoef te kan doen,is play en stop op ‘n rekenaar te druk.)
• Crafts aanbieder (Kunsaktiwiteite)
• Bybel Avonture – Jnr aanbiider (Teks en boodskap van die dag vir Gr.RR-3)
• Bybel Avonture – Snr aanbiider (Teks en boodskap van die dag vir Gr.4-6)
• Speletjies – Jnr aanbieder
• Speletjies – Snr aanbieder
• Musiek/ Media
• Noodhulp
Indien jy graag betrokke wil wees, maar nie tydens die week kan help nie, kort ons ook hulp met die volgende dinge of donasies van die volgende goed:

Hulp vooraf: Gebed, aankope, vooraf admin, dekor, maak van soutklei

Donasies: Ou CD’s, koerantpapier, koeldrankproppies, hot chocolate, bokse, verf, verfkwaste, papierborde, foamalite koppies, kleefband, springmielie pitte, loslekkers, mariekoekies, versiersuiker, koekkleursel, albasters, bordkryt.

UIT DIE KANTOOR

PREDIKANTE NUUS
NJ en `n aantal gemeentelede is betrokke by die Middelburg Snoekfees vanaf 21 – 25 June’17.

DANKOFFERMAAND
Junie is dankoffermaand. Dan fokus ons op ons finansiële bydraes wat ons uit dankbaarheid vir die Here gee om die bediening in en buite die gemeente moontlik te maak. Die kerkraad wil u ook bedank vir u bydraes wat die bediening moontlik maak. Normaalweg dra ons maandeliks per debietorder of met ‘n kontantbydrae by, maar gedurende Junie gaan u diaken of dienswerker u nie besoek nie. ‘n Dankofferkoevertjie sal aan u uitgedeel word waarin u dan ‘n jaarlikse offer of ‘n addisionele bydrae kan insit en gedurende eredienste die hele Junie, in die kollektebordjie kan plaas. Elkeen moet gee soos hy hom in sy hart voorgeneem het, nie met teensin of uit dwang nie, want God het die blymoedige gewer lief. (2 Kor 9:7)

HELMIEN VAN DER MERWE FONDS
Die mediese fonds het ‘n koglieêre inplanting goedgekeur, maar sy moet nog self R58 000 inbetaal. Indien u ‘n bydrae wil maak kan u dit by kerkkantoor inbetaal of Bankbesonderhede soos hier onder met verwysing Helmien vd Merwe fonds.

PEUTER (-2JR) EN KLEUTERKERK (3-5JR)
Ons benodig tans iemand wat hier kan leiding neem. (Kom ons help mekaar om ook ‘n slag rustig in die kerk te sit en luister) Indien u bereid is om hier te te help tydens oggend-eredienste, skakel asb met Annelet Slazus sel 082 337 2161

KLEINGROEPE
Kleingroepbyeenkoms vir leiers en almal wat belangstel om deel van ‘n kleingroep te wees. Kom geniet ‘n beker sop by die Sentrum op Maandag 26 Junie om 19:00 waar o.a. die 40 dae in Aug + Sept se tema bespreek sal word. Skakelpersoon Pieter du Toit 083 638 9823

VEELDOELIGE AFDAK:
Die Eiendomskommissie beoog om ‘n veeldoelige afdak aan te bring waar die prieël tans is. (Tussen die kerk en die kombuis, langs die saal.) Die afdak sal dan dien as staanplek vir ons bussie en sal ook ‘n gerieflike ruimte skep vir sosiale geleenthede soos die basaar, gemeente etes, senior burger etes ens. Die koste beloop R40 000. Indien u ‘n bydrae wil maak om dit moontlik te maak, kan u inbetaal by kerkkantoor of elektronies. Vir enige navrae, kontak Johan Labuschagne by 083 592 8709.

BASAAR POEDINGTAFEL
Ons wil graag ‘n verkoping van tweedehandse klere en huisraad hou ten bate van die basaar se poedingtafel. As jy dalk enige iets het wat jy nie gebruik nie en kan afstaan, bring dit asseblief na die kerkkantoor of kontak Amanda Anker by 0823271102 of 021 873 7263.

KERSKAARTJIES VIR GEVANGENES
Getuienis wil vanjaar vroegtydig begin om vir elke gevangene in die gevangenisse van die omgewing, ‘n kerskaartjie gee wat hul oor Kerstyd vir hulle geliefdes kan stuur. Die Kerskaartjies kan gemaak word deur bv. ‘n A4 blad in vier te vou en dan op die voorkant ‘n prentjie te plak of om dit met enigiets anders te versier. Indien u dalk iets soek om die kinders in die koue winter vakansie tuis besig te hou of saans voor die kaggelvuur ‘n tydjie kan afknyp om ‘n Kerskaartjie of meer te maak om ons daarmee te help, sal ons dit baie waardeer. Ons kon verlede jaar 1000+ kaartjies vir hulle gee. Ons wil ook asb vra dat u, indien dit moontlik is, ‘n koevert en ‘n posseël by elke kaartjie sal sit.

In die Nuus