Deur : Skriba / March 5th, 2020
TELKOM LYNE
Ons Telkom lyne is tans dood. Daar is ‘n probleem met die lyne. Kontak ons gerus op die volgende nommer tussen 8:00 en 14:00. 066 301 2011. Baie dankie.
WAT GEBEUR DIE KWARTAAL
11 Maart – Bybelstap om die perdeskoen 17:30
13 Maart – Gemeente Ete (steak) – Johann Swart (079 873 1493)
15 Maart – Aandnagmaal in die kapel van Andrew Murray Sentrum 18:00
27-29 Maart – Imagine Tienerkamp te Bredasdorp (Ds Cornis)
3 April – Fliekaand
TERUGVOERVERGADERING
Terugvoering na aanleiding van ‘n gemeentevergadering verlede jaar vind plaas op Woensdag 11 Maart om 19:30 in die konsistorie.
FLIEKAAND
Vrydag 3 April 2020 hou ons ‘n heerlike fliekaand buite op die gras. Die fliek is ‘n verassing!!! Daar sal gratis popcorn wees, bring net jou eie piekniekmandjie, kombers of stoel saam.
Koste: Volw R50
Kinders R20
Tyd: 19:00 vir 19:30.
Almal is welkom
Vir verdere navrae kontak Magda Van Schalkwyk by 083 234 8239
BYBELSTAP 11 MAART 2020
Vat jou hond en jou kinders en kom stap saam met ons. Daar is ‘n keuse van 3 of 5km stap. Almal kry medaljes!!
Koste: R25 per person (Kinders kan ook saam as spanne stap vir R25) Kix & Tekkies
Tyd: 17:30
Wegspring plek: Regoor Hugenote Laerskool se hek.
Vir verdere navrae kontak Hentas by 067 405 5030
VERLOF
Ds Cornis is met verlof van 12 Maart-18 Maart
Ds NJ is met verlof van 17 Maart-19 April
KINDERKERK BENODIG HULP
Indien u dalk die volgende het wat net rondlê by die huis en nie gebruik word nie wil ons vra of u dit aan ons sal skenk vir die kinderkerk:
Ons benodig uitdraaikryte, koki’s, inkleurboeke, lego blokkies, houtblokke en leë bake bean grote blikkies. By voorbaat dankie aan almal wat ons kan help. Indien u enige verdere navrae het kan u vir Antoinette skakel by 084 357 8967
NG GEMEENTE WELLINGTON-OOS
Vakature: Junior Kinderwerker
Die ideale kandidaat is ’n NG lidmaat wat toegewyd, bekwaam en pro-aktief is om ’n besonderse bediening aan kinders te lei en te bestuur. Liefde vir kinders, vermoë om kinders te begelei in geloofsgroei en geloofsekerheid, die bou van verhoudinge en die vermoë om onafhanklik te funksioneer is kritiese aspekte van die pos. ’n Toepaslike akademiese kwalifikasie in Kinder- of Jeugbediening of Onderwys (Voorskool / Grondslagfase / Laerskool) en toepaslike ondervinding sal jou aansoek versterk.
Die pligte behels onder andere:
- Koördinering en administrasie van:
- Kinderkerk (Graad R-3)
- Peuterkerk (2-3 jr)
- Kleuterkerk (4-5 jr)
- Graad 4-6 kategese in samewerking met leierkategeet
- Woensdagmiddag se Midweekbediening nl. Kix (gr R – 3), Tekkies (Gr 4 – 6) en Graad 7’s
- Beskikbaarstelling van kategese-lesmateriaal in samewerking met leraars en leierkategeet/jeugbediening
- Jaarbeplanning asook dienslyste van bogenoemde
- Aanbied van bogenoemde indien aanbieder nie beskikbaar is nie
- Aanbied van Kinderpinkster tydens Pinkster
- Aanbied van Bybelskool tydens die Junie/Julie vakansie
- Kinderuitreike
- Reël en aanbied van kampe (Gr 1-7)
- Opleiding en ondersteuning van medewerkers en helpers vir die bediening
- Ander verwante take
Rig u gedetailleerde CV aan skriba@wellingtonoos.co.za. Vir navrae kontak Kobus Oosthuizen (Voorsitter: Jeugbediening) by 082 492 2022. CV moet ons bereik voor of op Dinsdag 31 Maart 2020 (17:00). Meld kwalifikasies, ondervinding en ook verwagte salaris. Dit is ‘n beperkte termyn pos, aanvanklik vir 2 jaar met ‘n verlengingsopsie.
MUNNIKFONDS
Michelle Munnik moet op 22 Junie vir haar 26e operasie gaan in ‘n poging om albei bene ewe lank te kry. Die ouers moet R100 000 bybetaling doen voordat die operasie gedoen kan word. Indien u ‘n bydrae
wil maak kan u by kerkkantoor inbetaal met verwysing Munnikfonds.
HIER IS KORTLIKS MICHELLE MUNNIK SE GEVAL
Michelle is gebore met PFFD waarvan die regter femur stadiger groei as die linker kant. Sy het vanaf 3jr oud tot en met hede al 25 operasies ondergaan om die groei proses aan te help. Sy gaan op 22 Junie 2020 operasie no.26 kry waar daar ‘n pen deur haar regter femur geplant gaan word en dan van buite af verleng gaan word met ‘n magneet. Hierdie operasie gaan in 3 operasies opgedeel word vir die volgende paar jaar aangesien haar been 12cm kort is. Die Precise pen wat ingeplant word is ons laaste hoop om haar te help om haar been te verleng.
RUGBYTRUIE
Klaas wat by die kerk werk se kerk wil graag kinders en volwassenes
motiveer om deel te neem aan sport. Hulle het behoefte aan rugbytruie/of
borg vir rugbytruie. Indien kan help of ou rugbytruie het , skakel kerkkantoor.
Pa’s, ma’s, oupas, oumas, onderwysers en almal wat lief is vir kinders.
Kom woon ’n inligtingsessie met praktiese demonstrasies by oor
Die belang en praktyk van musiek, sang en beweging in die ontwikkeling van klein kindertjies.
Ontdek en leer hoe jy alle dele van die brein van klein kindertjies kan ontwikkel deur musiek, sang en beweging. Ontwikkel die luister en musikale potensiaal van kindertjies.
Spreker en fasiliteerder: Stefné van Dyk
Handevat Music
Praktiseer in verskillende gemeenskappe na
nagraadse studie oor die belang van musiek, sang in die ontwikkeling van kinders.
Wanneer: 14 Maart 2020
Waar: Kerksaal NG Kerk Wellington-Oos
Tyd: 0900-1200
Inskrywing: Inskrywingsvorms beskikbaar by Mariette van Velden: mariettevanv@gmail.com en by
Die kerkkantoor NG Kerk Wellington Oos:skriba@wellingtonoos.co.za; Tel. 021-8732690
Navrae: Mariette van Velden: 0798816861
WORSHIP BAND
Ons soek steeds mense wat kan sing of instrumente kan speel vir die kerk band.
GEMEENTE ETE
Datum: 13 Maart 2020
Tyd: 19:00
Plek: NG Kerk Wellington-Oos
SPYSKAART
Mediumgaar sirloin steak met ‘n romerige sampioensous
Feestafel met slaaie en brode
Ietsie soet
KOSTE: R100 pp
Kom geniet die feesmaal saam met ons en kom kuier onder die sterre.